ابڙو اڪيڊمي Abro Academy
2020-07-09
داخلا نمبر 488
عنوان باز ڪوئا مار، بدوار
شاخ پکي
پڙهيو ويو 307
داخلا جو حوالو:
بدوار، ڪوئا مار باز Common kestrel / Falco tinnunculus /
بدوار، ڪوئا مار باز Common kestrel / Falco tinnunculus /
بدوار، ڪوئا مار باز Common kestrel / Falco tinnunculus /
باز ڪوئا مار، بدوار
سڄي ايشيا، آفريڪا ۽ يورپ ۾ پکڙيل هن باز جي نر ۽ ماديءَ جي رنگن ۾ فرق ٿئي ٿو، پکيءَ جي ڊيگهه 33 سينٽي ميٽر ٿئي ٿي، ان جو پڇ ڊگهو، پَـر نوڪدار ٿين ٿا.
نر جي سسي، ڪنڌ ۽ پڇ جو مٿيون حصو نيرانجهڙو سرمائي ٿئي ٿو. پڇ جون چوٽيون ڪاريون اٿس. ڳل وٽ ڪارو لينگهڙو، پٺيءَ جو رنگ سروٽي ۽ ڪارا چٽ اٿس. اندريان پاسان ڪارن چٽن سان هيڊڙا ۽ پيٽ تي لينگهن وارا ڪارا چٽ ٿينس ٿا. ماديءَ جو مٿو ڳاڙهسرو، ڳچي جي هيٺيان اڇو رنگ، باقي جسم سروٽي ڳاڙهو اٿس، پرن جا پاسا ۽ پڇ گهرا ناسي ۽ پيٽ تي لينگها ٿين ٿا. اڪثر سياري ۾ سريلنڪا تائين نظر ايندو آهي، آسمان تي پر ڦڙڪائيندو ۽ لامارا ڏيندو رهندو آهي، سندس اکيون زمين تي ڪوئا ۽ جيت ڳولينديون رهنديون آهن. هي پنهنجو آکيرو کنڊرن يا اُڀين ٽڪرين جي ٻاھر نڪتل حصن، ڇڄن تي، يا ڏرڙن ۽ وڻ جي لوگھن ۾ ٺاهيندو آهي، ھي باز ماحو : 3 ۾ رھي ٿو.